Stranger Times

Park main bench pe main baitha hua tha 

Woh aaye aur bagal main baith gaye 

Hum bench pe baithe bas dhoop sekh rahe the 

Samvaad ke scope se kayi dur.  

Koi brisk walk kar raha tha 

Toh koi daud laga raha tha 

Kae picnic mana rahe the

Toh kae bas tehel rahe the 

Hum chup ine bas notice kar rahe the 

Woh apne khayal samet rahe the, main apne.

Maine mera left waala earphone unhe offer kiya

Hum ab ek bahut hi madhur geet sun ne lage.

Not a word uttered, just a smile of thanks. 

------

Ghanto beet jaate hai aise, kabhi jazz bajta hai toh kabhi Pink Flyod 

Kabhi hindi classics bajte hai, toh kabhi A.R. Rehman ya Amit Trivedi ki composition.

Playlist ke gaane khatam hote hi,

Hum uth te hai, aur chal dete hai.

Main unka naam nahi jaanta 

Woh mera pata nahi jaante 

Hum bas jaante itna hai

Ki music ka taste humara ek sa hi hain. 

Life ko hum uss sam-ae pause kar dete 

Aur gaano ko play kar ke chod dete

Aisa bhi saath milega koi, jaan ke bhi anjaane

Aur yeh hi hum doono ke liye kuch kaafi sa hai.