Friday, February 23, 2024

Zindagi Jhakaas kar

kyun tu udaas hai 
tu kaafi khaas hai 
ye bas kahani ka ek mod hai 
Par aage zindagi jhakaas hai 

Thoda aage rasta dukhad hai
Nange paau thoda chalna bhi hai 
Dard ka aalam kuch roz aur hai 
Par aage zindagi jhakaas hai 

Khud pe bharosa thoda jyaada kar 
Kahani ko apne rangeen tu kar 
Shoes pehne ke ab duad(run) tu 
Zindagi apni tu jhakaas kar

Thursday, July 20, 2023

Manipur Violence

 Yeh chooro ki basti mein 
Kaha tum taala dhoondne nikle ho
Yeh andho ki basti mein 
Kaha tum chasma pehne lage ho 
Yeh goongo ki basti mein 
Kaha tum gaana likhne baithe ho
Yeh behro ki basti mein 
Kaha tum gyaan baatne nikle ho

Kaabil toh tum tab hote 
Jab nafrat ki aag mein na jhulaste
Sahib ki isharo pe nage hoke na naachte
Chand rupiyo ke liye hevaan na bante 
Tum tab, shayad, shayad, insaan kehlaate

Bebas aur ni.hato ko na maarte
apne mard hone ka pramaan patra 
yun khule mein parade kar ke na jaatate
neech aur ghinone harkato se sirf khud ko tum napunsak ho batlaate 

thu hai tum sab pe.

Thursday, March 23, 2023

Ishq mein tere Kajal ne mara

 Aankiyon ke kajal ne tere 
Teer chalaye ghere ghere 
Dil ko cheer ke nilke thode
Nikle thode, Ishq ka ghav kar ke 

Ab dooba hu mein in aankon mein tere 
Jaise doobe khasti koi
Bhete paani mein kagaz jaise 
Na bacha koi nishaan na bacha koi insaan

Ishq mein tere, Ishq mein tere 
Doobe hue insaan ko tere 
Ishq ne jakda kaajal se tere 
Aankhone se mara, hu Ishq mein tere.

Sunday, February 26, 2023

Gazal Yaad Rakhna hai

 Maine Lafzon ke daa.iro mein kuch chupa ke rakha hai
Khud ki khaamiya pheliiyon mein chupa ke rakha hai
Apni zindagi ke alfaazon se kahanio ko piroh ke rakha hai
Meine khud ko kisi khat mein chupa ke rakha hai

Uss murjhaye hue phool ke thara koi kitab mein rakha hai
Bhoole kisi geet ki tarah casette mein record kar ke rakha hai
Rang ude sabdo ki kitaab ko bachpan ke almirah mein rakha hai
Meine khud ko bade sambhaal ke rakha hai

Shabd toh yeh mere apne hai
Meri dhaal ban ke mujhe sambhaal ke rakha hai
Meri Pehli ka jawaab woh ek Gazal hai - tujhe gyaat hai.
Mere baad iss Gazal ko kisi ne yaad toh rakhna hai 

Saturday, November 12, 2022

Jawaani - ohooo - Jawaani

Meri thandi ho gayi chai
Girlfriend ki lagg gayi Haye 
Break up ke baad poocha, why 
Boli, tune kiya nahi kabhi try 

Ab 
Ek baar jo jaaye 
Jawaani phir na aaye

ooho jawaani phir na aaye.

Thursday, October 6, 2022

Ki karna Teri hoke Ranjhna

 Kidhar chod ke aaye ho Ishq apna?
Kidhar leke jaaoge dard apna?
Cheek ke bhi ambar ko cheer na sake 
Kaha doodne jaaoge Ranjha apna?

Kaha chod aaye ho ghar uska?
Kiss kuuche mein tha makan uska?
Kya thi woh nadi jiske kinare tu tha 
Main toh beh gayi chod ke sab Mera.

Toote patte bhi shaako ko chod aate hai 
Boonde barish ki jo badalo se baras jaate hai 
Lakdi jo jal ke raakh ho jaate hai 
Heer bhi magan ab apni dhun mei

Tujhe chode Ranjhna
Dekh Mera haal saajna
Main mor sang naachu
Ab bairaagan mein kehlau

Tuesday, August 23, 2022

Patthar Dil

 Ek dil bechaara tha 

Toot toot ke bhikharta tha 

Na jaane kis rooz woh 

Patthar Dil khelane laga 


Jaise koyela heera bane 

Waise Dil yeh patthar bane 

Heere ki mazbuuti zaroor mili

Par chamak kahi kho gayi


Ab yeh patthar dil akela raha

Daraare sang leke chala 

Kisi se na mile, na kisi ka Ishq raha

Patthar dil akhir kavi ki kavita bana