Kya karunga?

Rail ke platform pe main khada hoo
Rail gaadi ko door jaate dekh raha hoo
Mera saaman kuch reh gaya hai usme
Main peeche doudne ab laga hoon

Rail teezi pakad rahi hai,
Doosre station ki aur bad chuki hai
Rail mujhe peeche chode, bas badti jaa rahi hai
Station master bhi koi, uska pata nahi bata rahe hai

Aisa kuch keemti saaman bhi nahi tha
Par saaman kuch aisa toh hai, jo dil ke bahut kareeb tha
Kaafi saal guzar chuke hai, ab kya hi dhoondunga?
Mil jaaye toh yeh bhi pata nahi, kya hi karunga.