Udas toh rehti hai kitab bhi aaj kal,
Suna hai, khat likhna ab sab old school samajhte hai
Udas toh rehti hai kalam bhi aaj kal
Suna hai, prem patr sirf kahaniyo main pade jaate hai.
Ab iss khat ki kya dastaan sunau
Dakiya bhi hai aur pata bhi
Par yeh premi aaj Kal ke,
WhatsApp ke bahaar nikalte hi nahi.
Kyun chode hain panne khaali?
Kyun sookhne di sihai saari?
Kya kuch peeche chod aaye hain?
Ya kuch hain, jise yaad nahi karna chahte?
Shayad izhaar karna bhool gaye hain
Ya khud hi ko bhool chuke hain
Jo aadaten bhool gaye hain
Chalo phir unhain yaad kare
Kagaz aur Kalam ka mail karae
Aur khat likna phir shuru kare
Kush kare bhej ke khat saare
Chalo aaj kuch yaaden taza kare.
