Kyun chode hain panne khaali?
Kyun sookhne di sihai saari?
Kya kuch peeche chod aaye hain?
Ya kuch hain, jise yaad nahi karna chahte?
Shayad izhaar karna bhool gaye hain
Ya khud hi ko bhool chuke hain
Jo aadaten bhool gaye hain
Chalo phir unhain yaad kare
Kagaz aur Kalam ka mail karae
Aur khat likna phir shuru kare
Kush kare bhej ke khat saare
Chalo aaj kuch yaaden taza kare.
No comments:
Post a Comment