Paheli

Ek paheli thi, samjh nahi aayi
Maine koshish ki, par jaldi haar maan li.

Paheli yeh khud phir saamne se chalke aayi 
Socha, isse aaram se suljhaya jaaye

Waqt laga par thodi bahut samajh aa gayi 
Aisa lagta tha jaise mujhe ek saathi mil gaya 
Zaroori nahi ki har woh saathi anth tak chale 
Par yeh silsila yun is sthiti mai lamba chlega 

Is paheli main ab itne doob se gaye hai
Ki ab ek dar sa lagne laga hai 
Saathi ko apne humsafar ki talash hai 
Aur mera humsafar toh kisi aur hi ke saath hai

Ab kya kiya jaaye?

Chilla de ki, eh raahi tu tham ja, 
Akele pan se mujhe dar lagta hai?
Veerane main jo tune phool khilaya hai
Seech saath mere, shayad yeh safar lamba chalne waala hai?

Woh khudgarzi hogi na? 
Khudgarz hum nahi.

Chnd din ka mehman hi toh hai tu 
Kal udaan phir apni lega tu
Jab jaayega bahut kuch mujhe de ke jaayega
Uska mujh pe ek lamba sa udhaar rahega

Meri bas ek guzaarish hai phir

Jab jaao toh kuch rooj pehle hi itilah de dena
Yun achanak chod ke tum ek din nikal na yun jaana.