Ladkhadate jab chalna seekha
Tab kya yeh bola tha, yeh mere bas ka nahi?
Kya hua agar kuch nahi ho raha hain jaisa tum chaho
Tum woh karte raho jo dil tumhara chahe
Kal ki soch ke kyun aaj tum nahi jee rahe ho
Aaj hi ko jo dhua bana diya toh kal kaise dekhoge?
Waqt ka kya hain bharosa jo ek jagah tik ke nahi rehta
Woh jo is waqt tumhare paas hain usse toh jaane mat do
Dil se aaj ke din toh jeena seekh
Aur jo lamhe tum jeeoge unhe sameth ke bhar lena anchal main
Yeh pal bhi tera yeh muskaan bhi teri
Kyunki khushi hain teri tere haatho main
Koi nahi cheen sakta pal yeh jo tune jiye hain
Yeh yaaden teri hain aur tere hi rahenge.
